by പിള്ള മനസ്സില്‍ കള്ളമില്ല എന്ന ചൊല്ല് നമുക്ക് എല്ലാവർക്കും അറിയാം. സോഷ്യൽ മീഡിയയിലൂടെ കുരുന്നുകളുടെ വര്‍ത്തമാനങ്ങളും, പാട്ടുമൊക്കെ കണ്ട് അവയിൽ പലതും നമ്മുടെ മനം കവരാറുണ്ട്. പലപ്പോഴും കുരുന്നുകളുടെ പാട്ടുകളും തമാശകളുമൊക്കെ വൈറലാകുകയും കുട്ടി കുരുന്നുകൾ താരമാകുന്നതും കാണാറുണ്ട്. ഒരു കുരുന്നിന്റെ ഡാൻസിന് പിന്നാലെയാണ് ഇപ്പോൾ സോഷ്യൽ മീഡിയ. കുറച്ച് നാളുകളായി ഈ കുഞ്ഞ് പ്രതിഭയുടെ ഡാൻസ് സോഷ്യൽ മീഡിയയിൽ വൈറൽ ആണ്. ചെറിയ പ്രായത്തിൽ തന്നെ വളരെ ഭവാത്മകതയോടെയാണ് ഈ കുരുന്ന് ചുവട് വയ്ക്കുന്നത്. ഈ കുഞ്ഞിൻ്റെ മനോഹരമായ ചുവടുകളും ഭാവങ്ങളും കണ്ട് ഞെട്ടുകയാണ് കാഴ്ച്ചക്കാർ. കുട്ടിത്തം നിറഞ്ഞ പുഞ്ചിരിയും, നിഷ്ക്കളങ്കത നിറഞ്ഞ ഭാവപ്രകടനങ്ങളുമായി ഈ കൊച്ചു സുന്ദരി താരമാകുകയാണ്.
സോഷ്യൽ മീഡിയയിലെ തരംഗമായ ഈ കുഞ്ഞു മോളുടെ വീഡിയോ ഒരു ദിവസം കൊണ്ട് കണ്ടത് ലക്ഷകണക്കിന് ആൾക്കാരാണ്. ചെറിയ പ്രായത്തിൽ തന്നെ തൻ്റെ ഭാവപ്രകടനങ്ങൾ കൊണ്ട് ഈ മിടുക്കി കവർന്നത് ധാരാളം പേരുടെ മനമാണ്. രണ്ട് വയസ്സിലധികം പോലും തോന്നാത്ത ഈ മിടുക്കി ആരാണെന്ന് അന്വേഷിച്ച് നിരവധി പേർ മുന്നോട്ട് വന്നിരുന്നു. സമൈറ താപ്പ എന്ന പേരുള്ള ഈ കുഞ്ഞു നർത്തകി നേപ്പാൾ സ്വദേശിനിയാണ്. വീഡിയോകൾ കണ്ട് ഇന്ത്യക്കാരുൾപ്പടെ ലോകം മുഴുവൻ ഈ മോളുടെ ആരാധകരായി കഴിഞ്ഞു. ടിക് ടോക് ആപ്പിലൂടെയാണ് ഈ കൊച്ചുസുന്ദരി എല്ലാവരുടെയും മനസ്സിൽ ഇടം നേടിയത്. മനോഹരമായ ഹിന്ദി ഗാനങ്ങൾക്ക് ചുവട് വച്ച് പെട്ടെന്ന് മനസ്സിൽ കയറി കൂടിയ ഈ സുന്ദരിയുടെ കൂടുതൽ വീഡിയോകൾക്കായി കാത്തിരിക്കുകയാണ് ആരാധകർ .
